IPL chairman hlui Lalit Modi leh Bollywood actress Sushmita Sen te an in ‘date’ nia sawi chuan India ram a nghawngchhuak rang hle. Lalit-a pa hian a fapa te chungchang hi a lo hre lo pek a, Lalit-a fapa pawhin mimal thila lo sawi a, comment pek chu an chhungkaw tihdan (politcy) a ni lo, a ti thung.
Karhmasa tawp lam khan IPL chairman hlui leh sumdawng hausa hian Miss Universe hlui Sushmita nen an inngaihzawn thu internet-ah a phochhuak thut mai a, social media Inpui a luahlum rang vut vut hle.
Maldives-a chawlh an hmanna thlalak dahchhuakin, thlalak hlui dangte pawh a dah bawk. Umzui a hlawh tak hnu ah, “Sawifiahna ni se la, kan innei lo. Kan ‘date’ mai a ni. Engtik ni ah emaw chuan inneih te pawh a lo thleng ang,” tiin a sawifiah.
A fapa Ruchir Modi chuan a pa te chungchanga interview chhangin, “A nun a ni a, a thutlukna pawh a ni. Comment pek loh mai ka duh zawk a, dik taka sawi chuan, mimal thil leh mimal chungchang comment pek hi kan chhungkaw policy a ni lo,” a ti.