Hollywood stars Jennifer Lopez (49) leh Ben Affleck (52) te chuan Las Vegas-ah ‘tiam tlat e’ an ti ta.
Ms Lopez-in, “Kan tithei ta. Hmangaihna hi a mawi a, a ngilnei a, a dawhthei em em bawk a ni. Kum 20 chhung dawhthei takin a awm,” tiin website lamah a ziak.
Inneih tura Ni leh thla an tihfel vek hnu-a inneih thulh leh ta te hian kum 17 a liam meuh chuan a tak ram an thleng ta nge nge a ni.
Nikum lama ‘Bennifer’ tia hriatlar te pahnih inzui leh thu lo richhuak han social media a luah lum hneh vet vet hle a, puipuinna hmunah te inhaw lo fahrana insi deuh thuak thuaka an awm reng mai khan ngaihven a hlawh.
Tun atang chuan Jennifer Lopez chu Jennifer Affleckt tia hriat leh koh tawh tur a ni a, Nevada hmuna an inkutsuih thu hian lemchan leh rimawi khawvel a fan chhuak. Duhsakna hlantu leh lawmpuitu an ngah.