Thawhtanni atang khan Assam-a Demaji district-a tui lian chuan ziaawm lam a la pan lo va, a la hlauhawm chhunzawm zel.
Tui lian hian khaw 30 tibuaiin leh National Highway 15 chu a dang ping a, hei vang hian district eng emaw zat a kalpawh theih loh.
Guardian Minister of District Sanjoy Kishan chuan tui lenna hmunte hi tlawhin Baruah Block relief camp-a ni tin mamawh dinhmunte a en a. Tui lian tuarte hi kawm kualin an mamawhte a pe bawk.
District thuneitute chuan tui lian tuar, relief camp-a awm mekte leh hmun danga tangte chu chu mamawh zualpui leh tui in tur an pe a. District thuneitute hian Covid-19 hri leng mek avangin relief camp-a awmte chu fimkhur turin an chah bawk.
State Disaster Response Force (SDRF) chuan tui lianin a dan mi tang tam tak an chhanchhuak tawh bawk.