Social activist Joannes TL Lamare leh mi dang pathum chu Nagaland-a inlak hran tum pawl, National Socialist Council of Nagaland-Isak Muivah (NSCN-IM) faction puihna nena Meghalaya-a hel pawh din thar tuma puh an nih avangin police-in an man.
East Khasi Hills police chief leh city superintendent of police (SP) chuan man an nih thu hi an sawi chiang tawh ve ve a, thu zawh fiah mek chauh an nih la ni rih nia sawiin a kimchang erawh engmah an sawi duh lo ve ve thung.
Police officer-te chuan Lamare-a hi Ningani chawhnu khan, Nagaland-a Dimapur district-a helho awmna, Hebron Camp an tiha a kal haw lam chu Umiam viewpoint-ah nangchingin an man tih an sawi.
Police-in tuna hriat theih chinah chuan Lamare-a leh mi dang pathum hi Dimapur-ah hian kalin NSCN (IM) hruaitute chu an camp-ah hian an hmu a, an state-a hel pawl din ve dan turah thurawn an la tih a ni.
Mi dang an mante hi Vicky Mawnai (30), Saitsohpen Sohra; Everpesrl Mawsor (34), Rengmaw, Shallang (West Khasi Hills) leh Aloysius Syiemlieh, Wahkalier Sohra te an ni.
Man tura beihpui an thlak hi East Khasi Hills police team an nih thu police chuan an sawi.