Hun eng emaw chen a reh hnu a, ‘RK/RKay’ film thar nena ‘comback’ neih tum mek Mallika Sherwat chuan 2005 kuma Hollywood khawvel a dailuhna Chinese action drama, ‘The Myth’ chungchangah khan Bollywood actress lar thahnem takin ‘dawt’ an sawi, a ti.
Jackie Chan nena an channa film chungchang hi ‘RK/Rkay’ film promote-an neih mekah, Jackie hian khatih laia Bollywood actress lar tak takte’n a film-a inlan tura audition a neihna video a entir thu te bakah a tel ho te hming pawh a hre vek a ti a, khatih laia ‘The Myth’ chang tura audtion nei miah lo anga insawi actress lar tak takte khan dawt an sawi chiang hle, a ti.
“Audition kaltlanga role chang ka ni a, Jackie khan Bollywood actress lar zawng zawng tih mai tur kha audition a neihpui vek tih a a sawi a, audition nei lo anga insawi ho kha dawthei tak an ni. An audition lai video ka hmu vek a, Jackie nen hian kan en vek. Ka fitness kha tha an ti em a, yota ka kalpui tha bawk si a, ka pian a tha an tih vanga thlanchhuah ka ni,” tiin Mallika hian a sawi.
Ani hi 2004 khan Mahesh Bhatts-a romantic thriller ‘Murder’ atangin Bollywood khawvel a sawinghing lawih mai a, a kum leh maiah Jackie Chan film, ‘The Myth’ ah inlanin international debut pui tak a nei zui nghal.