Netflix chuan thawhhlehni khan April atanga June inkarah subscriber 970,000 chuan an hloh tih an sawi. Amaherawhchu, lawmna tur a awm a, khawvela streaming lian ber hian subcriber maktaduai 2 vel hloh tura beisei leh rin a ni.
Heti taka subscriber a hloh hnem lohna chhanah hian tunhnaia ‘Stranger Things’ series hit lutuk tak maiin mi tam tak a la hip beh theih vang a nih rualin, ad-supported subscriptions an buaipui dawn vanga Netflix pawh man tla hniam deuh duai tur chang a, nghakhlel an la tam tho vang a ni pakhat bawk.
Karhmasa khan Netflix chuan Microsoft nena thawk dunin ad services (bungrua leh thil fakna) an kakpui dawn tih an sawi a, kumin kumtawp emaw 2023 tir lam hian an buaipui thei ang.