Van thengreng (space)-a concert hmasa ber ni turin The Chainsmokers band chuan record duhawm siam an tum ta.
Band member pahnih Drew Taggart leh Alex Pall te hian he Lei atanga mel 20 a sangah capsule atangin an perform dawn a, tunah hian inremna ziahfel a ni tawh.
The Chainsmokers chuan, “Van thengrenga kal hi kan duhthusam leh kan chak ber a ni fo thin a, World View nena thawk hovin adventure pui tak leh tawnhriat danglam tak nei turin kan inbuatsaih mek.
“He leilung leh van thengreng view mawizia leh mit la tak a nihzia kan hre theuh a, hmachhawp project hrang hrang atan pawh a tangkai hle kan beisei,” an ti.
World View chuan an company-in 2024 kuma van thengrenga an hruaichhoh tur te zingah The Chainsmokers band an tel tih an sawichiang tawh a, capsule chhung atangin he leia an fan nuai tam takte hmuh theih turin concert an nei ang. A nghahhlelhawm!