ZPM party-in nimin khan Thaidawr tlanga state dang hmalakna titawp tur leh Mizoram chhung humhalh tura ngenna Chief Minister Zoramthanga hnenah an thehlut.
ZPM party hruaitute chuan ZPM party Working President K Sapdanga hovin tun thla ni 14 khan Thaidawr tlang hi tlawhin, Mizo Convention (MC), Jampui hruaitute pawh an kawm a. MC hruaitute chuan Thaidawr tlang buaina ching fel thuai tura Mizoram sorkar chu Tripura sorkar nen inbe thuai tura an duh thu an lo hrilh a ni.
Jampui tlangdunga khaw hrang hrang hruaitu thenkhatte pawhin Thaidawr tlang chu Mizoram sorkarin a enkawl ngai loh avanga Tripura sorkarin a ta chei ta nia a lan thu an lo hrilh niin ZPM party hruaitute chuan an sawi a. Nimin khan chief minister hnenah Thaidawr tlang humhalh tur leh state dang hmalakna titawp tura hma la tura ngenna chu an thehlut ta a ni.