Aizawl : Serchhip district thuneitu ten COVID-19 chungchanga Serchhip district mipui te zawm tur hriattirna tichhuakin, mitin COVID19 laka an fihlim theih nan theihtawpa inven tur a nih thu an tarlang a. Covid appropriate behaviour (CAB)-a tha taka zawm vek turin mipui an ngen.
Sakhaw biak in-ah te, mitthi vuinaah te, inneih inkhawm, sports inelna leh mipui punkhawmna hmundangah zai leh thusawi laiin hmai tuamna (facemask) vuah ngei tur a ni a, mipui punkhawmna hmun, sakhaw biakna hmun leh puipunna dangah te tha taka social distancing zawm tur a ni.
Phalna pekna hmuna thil tihhona reng rengah, COVID19 a darhlohna turin CAB/SOP tha taka kengkawh turin thuneitute beisei an ni a. Office, dawr, vantlang hmun pawimawhte vawnfai leh tihthianghlim kawngah a hmunhma thuneitu theuh ten mawh an phur a, beauty parlour, spa, gym leh lumehna hmunte leh hmanrua tih thianghlim (sanitize) fo tur a nih thu an tarlang bawk.