Aizawl : District Institute for Education and Training (DIET) Champhaiin nimin khan Diploma in Elementary Education (D.El.Ed) 2021 examination-a zirlai tithate lawmpuina hun an buatsaih a. District Bawrhsap James Lalrinchhana’n a hmanpui.
Champhai Bawrhsap chuan zirlai hlawhtlinna changte chu a lawmpui thu sawiin, an dai chinah duh tawk mai lova hmabak eng tak an neihte tha taka hlenchhuak zel tura theihtawp chhuah chhunzawm turin a fuih a. Eng hna pawh an thawhnaah Pathian tih chunga thawk fo turin a chah.
Zirnain thil a tih theih zia leh khawvel thlak danglam dawrh theitu a nih thu sawiin, "hlawhtlinna chang turin zirtirtu, zirlai leh chhungte an pawimawh vek a ni", a ti a. Zirlai nih chuan tumruhna leh taimakna neih a pawimawh thu a sawi bawk.