PM hlui boral ta Indira Gandhi lema chang a, ‘Emergency’ film siam mek Kangana Ranaut chu Congress party lamin an ei lo hle a, nasa takin an dodal.
India ram politics thim chhah vanglai tak nia sawi thin PM hlui Indira Gandhi-i’n ‘Emergency’ puangin 1975-1977 thleng a awh a, mipui rorelna hnual suatnaah ngaiin, mi tam takin man an tawk a, Jail an tang bawk.
Madhya Pradesh congress media department-a an hotu pakhat Sangeeta Sharma chuan Kangana hi BJP agent a nih thu leh heti ang film a siam hmang hian prime minister hlui Indira Gandhi chhirh theih a tum a ni, a ti a. Film tlangzarh a nih hma hian congress party lamin an en hmasa ngei ngei tur a ni, a ti bawk.
BJP lam ve thung chuan Congress talbuai, mangang, phichengah an puh ve thung.
Mak angreng takin Bollywood star Kangana hian biopic an tih mai, mi langsar chanchin tarlanna film-a inlan vawi lina tur a ni a, vawi thum a lan tawhna film a hit vek.