Oil depot neih thuai thuai hun kan nghakhlel
Mizoramin Oil dahkhawlna tur (Oil depot) kan neih that tawk lohzia kan hria a, thenawm state nena harsatna kan tawh apiangin kan buai ziah bawk. Khawsak phung a buai a, mitinin kan harsatna tawh chinfel kan chakzia kan sawi chamchi thin.
Tun hnai khan rel hmanga tuialhthei phurh luh dahna tur Bairabi a mi chu supply minister leh IOC hotuten an enfiah a, hmalakna felfai tak awm chungin enfiahna hian rah tha chhuah chhunzawm chho zel thei se a duhawm hle. Tin, hmalakna pawh a rang lamin thawh thuai thuai nise a tha hle bawk.
Mizoram sorkar chuan tuialhthei dah khawlna tur changtlung zawk siam a nih theih nan hun eng emaw chen atangin oil depot bunna tur hmun a lo dap tawh a. IOCL-ten oil depot bunna tur atan a an ram mamawh zat, 30-35 acre chu Bairabi leh Sihhmuiahte en a lo ni tawh bawk a ni.
FCS & CA Department leh IOCL hotuten Bairabia ram an endiknaah hian NF Railways-a thawktute pawh telin oil depot changtlung zawk bun a nih theih nana ruahmanna hrang hrangte an sawi ho a. Sihhmui ramte pawh an endik chhunzawm leh dawn a ni.