Tripura state sorkar chuan Mukhyamantri Matripushti Uphar scheme hnuaiah an state-a hmeichhia nau paite chu Rs 2000 zel pek turin an ti a, an bank account-ah vawi li an thunsak ang.
Tripura cabinet hian nau paite hnena Rs 2,000 pek tur hi pawmin nau paite hi damdawi in pantute tana tih a ni a, ei tur tha an lei nan pawisa hi an hman tura tih a ni.
He scheme atan hian Rs vaibelchhe riat an dah tih cabinet thupuangtu, Education Minister Ratan Lal Nath chuan a sawi.
Nath chuan, “Kan state-a nau pai mi 32,000 velin he hamthatna hi an chhawr thei dawn a ni,” a ti.
Nu nau paite tan Special Nutritional Kit an siam bawk a. Hetah hian groundnut gram 250, roasted Bengal gram 300, bekangsa gram 180, dal gram 500, jaggery gram 500, ghee ml 200, cashew nut gram 200 leh raisin gram 100 zel an sem dawn.