Premier League club Southampton chuan Bordeaux atangin rawlthar striker Sekou Mara an lakluh tur thu French club in an puang.
Ligue 1 club hian kum 19 mi hian medical tifel turin England a pan tawh thu hi an sawi tel.
Mara hian season liamta khan Bordeaux tan vawi 26 league-ah a khel a, goal 6 a khung a. Bordeaux in season duhawm loh tak an hmang a, league-ah a mawng ber nimahsela an tana player langsar a ni.
France Under-21 international hian kum 2021 February khan Bordeaux first team tan a khel tan a, an hnena a cham chhungin vawi 37 inkhel tawhin goal 7 a khung tawh.
French rawlthar beiseiawm hi Premier League club zingah Leeds United bakah Hugo Ekitike ngaihventu ni tawh Newcastle United te nen sawizawm an ni bawk a, Paris St-Germain in an lakluh tak Ekitike nen hian an inkhelh dan a inan avanga tehkhin an ni thin. German club Borussia Mönchengladbach pawhin an ngaihven.
Penalty area chhunga hlauhawm, striker thawkrim tak lakluh nan Saints hian Euro maktaduai 13 vel an seng tura ngaih a ni.