Barcelona chuan Sevilla leh France defender Jules Kounde chu a tawp nan vawikhat lakluh tumin an bei leh dawn a, Chelsea in kum 23 mi man tura Pound maktaduai 55 an inhuam chu an ngam ve dawn lo tih erawh an pawm. (Sport)
Sevilla leh Chelsea ten inremna an nei tawh a, Blues leh Kounde te hi kum nga contract ziak turin an inbe fel tawh bawk mahse Sevilla pre-season tour-ah a inlan ve avangin a insawnna tur a la fel thei lo. (The Sun)
Barcelona hian Kounde an lalut thei dawn lo a nih chuan Manchester City leh Spain centre-back Aymeric Laporte, 28, lam an hawi ang. (Fichajes)
Manchester City chuan Brighton leh Spain left-back Marc Cucurella lei dilna sang zawk an siam dawn a, mahse an inrem thei lo a nih pawhin midang ngaihven mai an inpeih. (Daily Mail)
Manchester United leh Chelsea te chuan Bayern Munich leh France defender Benjamin Pavard, 26, an inchuh dawn. (L’Equipe)
Borussia Dortmund chuan Uruguay striker Luis Suarez, 35, chu Atletico Madrid a contract a hman zawh hnuah contract an zawrh ang em tih an inngaihtuah. (Sky Sports)
Chelsea chuan Spain goalkeeper Kepa Arrizabalaga, 27, leh Germany attacker Timo Werner, 26, te chu an hlawh beisei a san avangin hralhna tur an van hle a, Belgium striker Michy Batshuayi, 28, leh England midfielder Ross Barkley, 28, te pawh chhuahtir duh mahse hralh an harsat. (Telegraph)
Paris St-Germain chuan AS Roma hnenah Netherlands midfielder Georginio Wijnaldum, 31, chu an zawrh. (Corriere dello Sport)
AC Milan chuan Tottenham nen English defender Japhet Tanganga, 23, lakluhna tur leh loan a Senegal midfielder Pape Matar Sarr, 19, hawh theih dan tur sawiin inbiakna an nei mek. (Fabrizio Romano)