AIZAWL: Agriculture minister C Lalrinsanga chuan Mizoramah bacteria hmanga leitha siamna bakah Biocontrol Laboratory neih nan ruahmanna a kal zel tih a sawi.
SAMETI, Mizoram leh National Institute of Agriculture Extension Management (MANAGE), Hyderabad tangkawpin ni 45 chhung awh Agri-clinics and Agri-business Centres (AB & ABC) Scheme zirna a buatsaih kharna inkhawm nimina neihah he thu hi a sawi.
Agriculture Minister chuan, India ramah agriculture sector in bung thar kaiin Digital Agriculture Mission kalpui turin hmachhawp tam tak a awm thu a sawi a, Mizoram pawhin hmasawnna hmu a hmuh zel thu a sawi a ni.
Mizoram chu Bangladesh leh Myanmar ten kar chehin, a awmna kil hle mah se, agriculture hmanga tharchhuah hmundanga market demand awm te thawnchhuah tumin, hmasawn zel a tum tih a sawi.
Training ni 45 chhungin theory leh practical class ni 20 neih a ni a, field visit ni 5, assignment atan ni 11 hman a ni a, DPR Preparation and Submission atan ni 8 neih a ni a, Veledictory ni 1 neih a ni bawk a ni.
Field visit-ah hian Mizoram Univerisity, Industrial hmun hrang hrang tlawh leh, Entrepreneurs te nena inkawmna hun hman a ni a. DPR 18 chu sector hrang hrangah thenin- Agriculture, AH & Vety, Horticulture Sector, Agri Clinic, IFS, PHT leh Vermi Compost Production ah te pawm a ni.