MHIP inthlan a felfai, buaipuite pawh an fakawm
Anmahni pawl chhungah buaina an neih leh thin avangin Mizo Hmeichhe Insuihkhawm Pawl (MHIP) in inthlanna an nei thei lawk lo a, court hial a thlen takah chuan inthlang thei lovin hun rei fe chhung an awm bawk.
An pawl term pawh 2021-2023 nimahse, term chanve chuang chu hruaitu hluiten an chelh ren rawn a ngai bawk. Court-in MHIP enkawl tura a ruat, administrator, Taxation Joint Commissioner Lalthansanga hona hnuaia thla tam an awm hnuah ningani khan general assembly leh hruaitu thar thlanna chu Vanapa Hall-ah an nei thei ta a, ani hian MZP te chu phungbawmah sawmin, inthlanna felfai tak an nei thei ta hi lawmawm tak a ni.
Returning Officer atan MZP president hman a ni a, ani hona hnuaiah hian MZP lam hian inthlanna felfai tak, sawisel theih miah loh an kalpui hi an fakawm a, zirlai pawl lian nge nge chu an thawm leh chezia pawh a mawi hle niin kalkhawm thenkhatte chuan an sawi hial.
MHIP lam hi nuho pawl nge nge a ni bawk a, buaina chhuak leh dawn dawn anga lang thin pawh hi reh telh telh thei se la, felfai takin awm zel thei se a tha hle.