Miami khawpuia ‘Rolling Loud Festival’ kalpui mekah Rapper Kid Cudi chu mipui lam atanga bottle vawm zui a nih hnu-ah thinrim takin stage a chhuahsan.
Phur fahrana stage-a a inlan atanga rei vak lovah concert chhimtute hian tui bottle hmangin an vawm nghal deuh mai a, Kanye West aiawha ding ni mah se, mipui tam zawkin an lawm lo.
Vawi hnih khat mai ni lo, vawi tam vawm a mih hnu ah hla pali a tling tla thei a, a hmaiah taka an vawm hnu ah erawh a dawhtheihnain a tling tawh lo a ni.
“Yo, vawikhat lo vawm leh teh u, stage hi ka chhuahsan vang vang nghal ang. Ka kal ang, tunah hian ka kal nghal,” tiin Kid hi a au.
Stage chhuahsan tura a insiamrem lai paw’n bottle a lo thlawk nual hman a, mic a dah hnu-ah thinrim takin stage a chhuahsan. Mipui lamin ‘Kanye West’ hming an lam nawn awn awn thung.