Bollywood nupa lar Katrina Kaif leh Vicky Kaushal te chuan social media platform kaltlanga thaha vauna an dawn vangin case ziahluh a ni.
Engti ang takin nge thaha vauna an dawn a, engnge an ziah, tih hi sawi chian fak la awm lo mah se, thuneitute’n an ngai thutak hle a, Santacruz Police Station, Mumbai-ah thubuai ziahluh a ni.
May thla liam ta khan Salman Khan leh a pa Salim Khan te pawhin thaha vauna an lo dawng tawh a, lehkha ziahah chuan zaithiam kahhlum tak Sidhu Moosewala ang bawkin an pafa hian hun tawp an hmachhawn ang, tih a awm.
Hemi hnu hian Salman leh a chhungte venhimna khauh zawka kalpui niin, amah ngei pawhin Mumbai Police Commissioner thar Vivek Phansalkar hmu in, a invenna tur silai/hmanrua a neih theih nan dilna a thlen nghal niin, News18-in a tarlang.
Bollywood actress Swara Bhasker pawhin June thla liam ta khan thaha vauna a lo dawng ve bawk a, Mumbai Police-in case an ziak a, thil awmdan chhui zui zel a ni.