Tripur-a CPI-M kaihhruai Left Front chuan an state sorkar chuan COVID-19 hripui leng mekah mipuite chu a ngaihsak tawk lo niin a sawi.
CPI-M hian Tripura sorkar chuan hripui len laiin mi rethei lehzual zualte a thleng phak lo niin an sawi.
Agartala-a thuthar lakhawmtute a kawmnaah CPI-M State Secretary Gautam Das chuan, “Nikuma hripui a len atang khan CPI-M chuan state sorkar hi thingtlang lama ni za inhlawhna, MGNREGA hnuaia thawk leh khawpuia TUEP hnuaia thawkte chu buhfai leh dal kg 10 ve ve bakah Rs 7,500 theuh tanpuina pea an harsatna chhawk turin kan lo nawr tawh a; mahse, kan sorkar hian eptu party-in mipuite tana a ngenna hi a la ti ta miah lo a ni,” a ti.
“Hri leng thawh hnihna hnuah May 14 khan curfew puan tan a ni a. Eng chena rei nge mipui harsa zawkte hnenah hian Rs 1000 leh buhfai, dal, alu, purunsen leh tel an sem leh hun an nghah dawn? Tripura-a chhungkaw nuai sarih chuangte hian sorkar atangin tanpuina an dawn theih dan tur hi engtin nge ni dawn,” tiin Das chuan a sawi.