Danish cyclist Jonas Vingegaard chuan a vawikhatna atan Tour de France-ah hnehna a chang a. General classification-ah sang berin 2022 Tour de France-ah a champion.
Kar thum chhung intlansiakah hian kum 25 mi Vingegaard hian nikum a champion Tadej Pogacar chu minute hnih leh second 43 in a hneh a. Champion lo ni tawh thin British star Geraint Thomas chu pathumna a ni.
Denmark a Copenhagen atanga tlan tan stage 21 awmna intlansiakah hian Pogacar hian stage 5 atangin stage 10 thleng hmahruaitu a ni a, secpmd 39 in Vingegaard lakah hma a hruai. Mahse stage 11-ah Vingegaard hian nasa taka tan la in hma a hruai a, a tawp thleng an khum leh tawh lo.
Pogacar hi Young rider classification-ah a sang ber a. Stage 2 atanga 5 thlenga hmahruaitu Wout van Aert chu Points classification-ah a sang ber ve thung.