aIZAWL: BJP Mizoram Pradesh President Vanlalhmuaka chuan, Mizoram hi tunah hian natna hlauhawm tak cancer vei ang maiin a awm mek tih a sawi.
Upper Republic-a BJP office-a inkhawmah nimin khan thu sawiin Vanlalhmuaka hian, Mizoram hmasawnna tur hrang hrang sorkar laipui atanga fund lo kal te a thlenna tura a thlen mai thin loh avangin harsatna tam tak an tawk thin tih sawiin, tun hunah erawh CSS sum chu state sorkarin ni 21 chiah an kawl theih tak avang hian nghawng nasa tak a nei dawn tih sawiin, "Sorkar hnathawkte pawh hian hlawh hi an la mumal thei lo mai ang tih pawh a hlauhawm ta viau," a ti.
BJP Mizoram President hian Mizorama sorkarna chang tawhte hian an manifesto ang thlapa an tih hi a vang hle tih sawiin, "Risk (manifesto) vision an siam a ni ringawt mai a ni. Keini BJP erawh chuan kan tih theih loh tur mipui hmaah kan tiam ve ngai lo," a ti a; Mizoram mipui tan kawng hrang hranga an intiamna ho chu an tihhlawhtlin ngei tur thu a sawi.
Mizoram hian hmasawnna development neih a duh tak tak a nih chuan a taka hna thawk thei tur chu BJP chauh an nih thu a sawi bawk.