Serie A club Juventus chuan an midfielder thar Paul Pogba chu a khup a tihnat avangin pre-season inbuatsaihna an neihlaiah a tel chhunzawm thei rih lo tih an sawi.
Juve hian Pogba hian khup hliam avangin training-ah a tel ve thei lova. Specialist panin a khup nat dan tak hi zirchian a ni dawn a, hriatchian a nih hunah zai a ni dawn nge kawng dang a enkawl tur tih a chiang ang.
Hei vang hian kum 29 mi French midfielder hi Dallas a pre-season inkhela Barcelona an hmachhawn turah a tel ve dawn lo.
Tun nipui a Manchester United a contract a hman zawh hnuah a club hlui pan leh Pogba hian a khup dinglamah na a neih thu club medical team hnenah a sawi a. Club lamin an enfiah hnuah a khup a tha awm chu a ti na tih an hmu.
Dallas a pan ve loh tur thu hi sawichiang bawkin a hliam hi zai ngai a nih chuan thla thum vel chhawr theih a ni dawn lo.
Pogba hian Juventus in pre-season inkhel an hmachhawn hmasak ber tumin Las Vegas-ah Mexican club Chivas Guadalajara 2-0 a an hneh tumin inkhel hi a hmachhawn tawh a. An inkhelh avanga inhliam erawh a nih hmel lo.
Training an neih laia inti na ni a sawi a ni a. A hliam avangin kumin World Cup hma in a inkhel tam hman lovang tih hlauhna Italy lamah a lian hle.
Pogba hi tunhnai kum hnih chhungin hliam neuh neuh avanga inkhelh loh nei ve nual a ni a. A bikin season liamta khan United tan a vanduai thin.
April thla a Liverpool nen an inkhelh tumin a chawn a tihnat avangin a chawl a, vawikhatmah United tan a inkhel leh hman lo.