Chelsea in lakluh tuma an umzui Sevilla centre-back Jules Kounde chu an hlawhtling dawn lo a ang tulh tulh a, Barcelona in kum 23 mi France defender hi an lalut dawn niin a lang. (The Guardian)
Chelsea hian Kounde hi an lalut thei lo a nih chuan Villarreal atangin kum 25 mi Spain central defender Pau Torres, Inter Milan a khel Slovakia centre-back Milan Skriniar, 27, leh kum 20 mi Croatia defender RB Leipzig a khel mek Josko Gvardiol te an ngaihven dawn a. Bayern Munich atangin France duo Dayot Upamecano, 23, leh Benjamin Pavard, 26, te pawh en tel ang. (90min)
Blues hian Barcelona in Kounde lakluh an tum avangin Spain left-back Marcos Alonso, 31, leh right-back Cesar Azpilicueta, 32, te Blaugrana in lakluh an tumna an dansak. (Sport)
AC Milan chuan Club Brugge atangin attacking midfielder Charles de Ketelaere chu lalut turin sum tam zawk thehchhuah an tum a, kum 21 mi hi Leeds United nen pawh sawizawm a ni mek. (Calciomercato)
West Ham United chuan Euro maktaduai 17.5 a French centre-back Issa Diop, 25, lei dilna Fulham in an hnena an thehluh chu an hnawl. (L’Equipe)
Chelsea winger Hakim Ziyech chu AC Milan in an lakluh duh zingah an telh a, kum 29 mi Morocco forward hian Serie A pan a duh. (Calciomercato)
Barcelona boss Xavi chuan Netherlands forward Memphis Depay, 28, chu Poland striker Robert Lewandowski, 33, leh Brazil winger Raphinha, 25, te an lakluh tawh avangin club dang zawm a phalsak. (AS)
Inter Milan a khel forward Alexis Sanchez, 33, chuan Marseille a insawn lam a hnaih a, Chile striker hian nakkumah a contract neihlai a hmang zo dawn. (Corriere dello Sport)
Napoli chuan Chelsea tangin goalkeeper Kepa Arrizabalaga lakluh theihdan an dap a, Spain international hian khelh tamna tur club pan a duh. (Alfredo Pedulla)