Mizoram a cricket thuneitu Cricket Association of Mizoram hnuaia Differently Abled Committee chuan July 26, Thawhlehni khan Gilead Special School naupangte pualin Special Cricket Match a buatsaih.
TBC Futsal Ground, Durtlang-ah Mizoram chhunga hmasa ber ni turin he inkhel hi buatsaih a ni a. CAM president Robert Lalfamkima leh Councillor Lalremruata te chuan he hun hi an hmanpui a, lawmman semna hun an nei.
He inkhel a pakhatna in trophy leh medal bakah Rs. 10000 lawmman an dawng a, pahnihna in trophy leh medal leh Rs. 5000 an dawng ve bawk.
India cricket thuneitu Board of Control for Cricket in India chuan hetianga 'Differently Abled' naupangte tana cricket inelna buatsaih hi a ngai pawimawh hle a, hmalam hunah buatsaih chhoh zel a tum.