Kapil Sharma comedy show-a inlan thin Upasana Singh chuan Miss Universe Harnnaz Kaur Sandhu chu inremna bawhchhiaah puhin, nimin khan Chandigarh court-ah thubuai a thehlut.
A sawi danin, 2020 kuma Sandhu-i’n Femina Miss India a nih khan Santosh Entertainment Studio LLP nen inremna siamin, punjabi film, ‘Bai Ji Kuttange’ a inlan tur a ni a, Upasana hi producer niin, Snadhu hi lead artist tur a ni bawk.
Inremna an siamah chuan Sandhu hi film tihlarna leh vuak hot-na hrang hrangah mimal taka inlanin, a hna pawimawhte tlansanin, a tawimawm zel ang, tih a awm.
Amaherawhchu, tlangzarh dawn a ruaiah inremna anga thil a kal loh tak vangin distributor te an hloh nghal duak a, film tlangzarh hun tur pawh May 27, 2022 atangin August 19, 2022 ah sawnhlat a ni.