Aizawl: MNF party-in nimin khan an office, Mizo Hnam Runah chhung inkhawm an nei a, he huna report petu, Ex-MNA President C. Zama’n Assam Rifles-te Aizawl atanga chhuahtir thuai turin union minister zawng zawng an ngen tih a sawi.
C. Zama chuan tun hnaia Delhi-ah kala union minister zawng zawng hnenah Assam Rifles sawn chhuah chungchangah ngenna an thlen chungchang report a pe a, union home ministry-in kum 2019-a, lehkha an tihchhuah tawh ang ngeiin Assam Rifle te, Aizawl Lammual atanga chhuahtir thuai turin EX-MNA-in an ngen tih asawi bawk a ni.
He inkhawm MNF Treasurer K. Vanlalauva kaihhruaiah hian Mizo Hnam Runa department pali general secretary ten an hmalakna report an pe a, a khaikhawmtu MNF Vice President Vanlalzawma chuan hetianga Mizo Hnam Run department hrang hrangin theihtawp chhuaha hma an lak zel chuan nakkum inthlanpuiah pawh MNF-in chakna an chan chhunzawm ngei ang tih a beisei thu a sawi.
MNF vice president chuan MNF party mipuite chu lungrual tak leh thahnemngai taka ram leh hnam tana thawk zel tur leh Pathian leh kan ram tana inpekna thar nei theuh turin a chah.