Aizawl: Champhai District NGO Co-ordination Committee chuan Champhai khawpui enkawlna tura municipality ruahmanna chak zawka kalpui a nih theihna turin sorkar hotute hnenah a tul anga bawhzui an rel.
Nimina Champhai District NGO Co-ordination Committee thukhawm chuan nikuma Champhai Municipal Council ruahmansak tura sorkar an phutna chu a tul angin sorkar hotute hnenah bawhzui an rel a ni.
Heng bakah hian Zokhawthar Road-a hnathawh chungchanga lungawilohna an neih avanga sorkara magisterial enquiry an phut chungchangah hmasawnna a awm loh avangin legal court-ah hma laka PIL file tura ruahmante an rel.
Champhai district chhunga mobile phone service chhe lutuk chungchang chu sawihona chu August 19-ah buatsaih an rel bawk a, National Highway No. 6 Champhai to Khawzawl kawng sial mek chu August 17-ah a hmuna kalchilha leivung paih dan leh retaining wall an siam dan enfiah leh Keilungliah dam chu chanchibumite nen a hmuna enfiahte an rel a ni.