Kum 2000 chho vela zaithiam lar tak Michelle Branch chu a pasal kutthlak thubuaiah man a ni.
‘Breathe’ hla hmanga rimawi khawvel barakhaihtu hi Nashville police te chuan In chhungkhura tharumthawhna kaihhnawihah nimin piah khan an man.
A pasal Patrick (The Black Keys drummer) nen kum thum an inneih hnu-ah an inthen thu a puan hnu lawka thil th leng niin, court document-ah chuan Branch hian a pasal hi vawi khat emaw vawi hnih na takin a beng. A hnu ah dollar sangkhat hmanga bail a ni.
Branch chuan, “Kei leh ka chhungte chunga thli thleng sawifiah tur hian chhiatna in min bawm tlat a, ka sawifiah zo lo.
“Tunah chuan hmalam panin ka kal tawh dawn a, hnunglam hawi ka tum lo. Ka fate an la te a, chuvang chuan hun harsa takah hian ka mimal thilte min zahsak a, lainatna lantir turin mi zawng zawng ka ngen,” a ti.
Branch leh Patrick te hi 2019 khan an innei a, a hnu kum thumnaah Twitter kaltlangin an inthen thu an puang. Branch sawi danin, a pasal hian midanga lakah a phatsan, tih a ni.