- Ruata
Mahindra chuan an SUV hlun leh lar ber pawl Scorpio chu a thar Scorpio N an tihchhuahna a la rei lo viau laiin a chhuak hlui chu Scorpio Classic tiin an rawn tichhuak veleh ta a, he Scorpio Classic-ah hian Scorpio chhuak hluia kan hmuh tam tak kan hmuh dawn bakah thil thar chi hrang hrang kan hmu dawn a ni.
Mahindra hian Scorpio thar N chu tichhuak mahse Scorpio hlui hi a la chhuah chhunzawm zel dawn niin thuthang tam tak a hma khan a awm a. Tunah hian he thuthang hi a dikna kan hmu ta a, thil thar tha tak taka thuamin Scorpio hlui design bo miah loin a chhuak hlui zawk Scorpio duh tan Scorpio Classic tih hmingpuin duhthlan tur an rawn dah belh leh ta a. Hei hi thil tha tak a ni a, Scorpio N aia a hlui design mawi ti zawk tan pawh thu lawmawm tak a ni awm e. Scorpio Classic-ah hian a chhung leh pawnah leh a kentel hrang hrangah thil thar kan hmu nual dawn a ni.
Mahindra Scorpio Classic hi trim 2 – Classic S leh Classic S11 te a awm dawn a. Heng trim pahnihah te hian 7 leh 9-seater chu duhthlan tur a awm ve ve dawn a ni. A design lamah chuan lianthamin danglamna a awm lo na a Scorpio Classic-ah hian grille design thar leh faux skid plate thar te kan hmu dawn a, hei bakah hian Mahindra ‘Twin Peaks’ logo chu a chuang ve dawn bawk a ni. Top-spec Classic S11 hian 17-inch dual-tone alloy wheel a nei a, Classic S zawk hi chuan steel wheel a nei thung a ni.
A chhunglamah hi chuan Scorpio Classic hian 9 inch touchscreen infotainment system with touch-sensitive control a nei a. Dark wooden trim insert chu a centre console-ah kan hmuh bakah, piano black insert chu a dashboard-ah kan hmu bawk a ni. A gear lever pawh Mahindra Thar thar bera mi ang kan hmu bawk a ni. Himna hmanraw lamah chuan Scorpio Classic hian dual front airbag, panic brake indication, engine immobiliser, anti-theft warning, seat belt reminder lamp, speed alert leh khalh veleha auto door lock te a nei a ni.
Kentel tur
Mahindra Scorpio Classic-in a kentel tur hrang hrang zingah hian Classic S bikah Vinyl seat upholstery, Power window switches on console, 1-touch lane change indicator, Tilt steering, 12V power outlet, Manual central locking, Hydraulic assisted bonnet, Headlamp levelling switch, Roof lamp, Mobile pocket in centre console, Steel Wheel, LED tail-lamps, Bonnet scoop, Center high mount stop lamp, 2nd Row AC vents, Intellipark, Micro hybrid technology, Manual ORVM bakah thildang hrang hrang kan hmu dawn a ni.
Classic S11-ah chuan Anti-pinch & auto roll-up smart driver window, Power window, Roof mounted sunglass holder, Rear wash & wiper, Rear demister, Remote central locking, Follow-me-home headlamps, Lead-me-to-vehicle headlamps, Foot step, Bottle Holder & Cup holder, Projector headlamps & LED eyebrows, DRLs, Chrome front grille, Diamond cut alloy wheels, Ski Rack, Spoiler, Front fog lamps, Silver skid plate, Silver finish fender bezel, Chrome finish AC vents, Height adjuster on driver seat, Audio & cruise control on steering wheel, Static bending tech in headlamps, 9-inch touchscreen infotainment system, Gear shift indicator, Fully automatic temperature control, Electric adjustment ORVMs, Speakers & Tweeters leh thil dang te a tel thung dawn a ni.
A khawl
A khawl lamah chuan Mahindra Scorpio Classic hian 2.2-litre 4-cylinder mHawk turbo diesel engine, 130bhp power (at 3,750rpm) leh 300Nm Torque (at 1600-2800rpm) pechhuak thei a nei dawn a. 6-speed manual gearbox a nei dawn bawk a ni. He SUV thar hian 17-inch wheels shod with 235/65 section tyres a nei ang a. Sspension lamah chuan he SUV hian double wish-bone type, independent front coil spring a hmalamah leh, Multi-link coil spring with Anti-roll bar a hnunglamah te a nei dawn a ni. Scorpio Classic hi a dung, a vang leh a san zawng chu a indawt danin 4456mm, 1820mm leh 1995mm te a ni dawn a, a wheelbase hi 2680mm a ni dawn bawk a ni.