AS Roma tan first half a midfielder Bryan Cristante goal khung chu hnehna chan nan a pawimawh a. 1-0 in Salernitana lakah an chakpui.
Pathianni zanah Roma in a vawikhatna atan tun season Serie A inkhel an hmachhawn a. An forward thar Paulo Dybala pawhin inkhel bul tan mahse goal a khung thei lo.
Jose Mourinho pawlte hian minute 33-naah goal an khung a. Hemi hma hian an forward Nicolo Zaniolo chuan chance tha tak vawi hnih a hloh a. Lehlamah Salernitana striker Federico Bonazzoli pawhin goal a khung teuh.
Kum 28 mi Dybala in a club thar tana inkhel hmasa berah second half-ah goal a khung teuh a, goal ban dinglam a pet per a, freekick atanga khung teuh a neih bakah penalty area chhung hnai tawh tak atangin a khung lo.
Mithar dang substitute Georginio Wijnaldum chuan Dybala chance siamsak tha tak mai chu goal-ah minute 86-naah a khung a, mahse referee in offside a phar avangin goal pawm a ni lo.