K&P Entertainment in buatsaih a tum HC John Kenty Vanhlimpuia leh South Korean boxer Kyeongseop Lee te inhnekna tur boxing exhibition match, 'Ring of Glory' chu tunhnaia MIZBA thuchhuak avangin an thulh.
MIZBA chuan a hriatpui ni lo event reng renga a hnuaia boxer-te tel a phal tak loh avangin August 26 a neih tura duan event pawh hi inbuatsaihna thui tak kalpui tawh mahse an tawpsan.
He event-ah hian John Kenty vs Lee te bakah Mizo boxer thahnem tak leh state pawn boxer te inhnek tura ruahman a ni a, heng match zawng zawng pawh hi thulh a ni.
Undercard a inhnek zawng zawng hi professional match tura tih a ni a, hei hi K&P Promotions leh LPS Promotions-te License hnuaia hmalak a ni.
Kings & Prophets Entertainment chuan an event thulh a ngai ta mai hi pawi an ti tak zet a, ngahkhlel taka lo chang tu mipuite hnenah hriatthiamna a dil.