Aizawl : Aizawl West III bialtu MLA VL Zaithanzama’n Inrinni kalta khan a bial chhung Mission Vengthlang Health sub-centre tlawhin, computer set a pe a. A bial chhung hmun danga zirna in leh health sub-centre-te chu tlawhchhuakin mamawh an lo thlente a ngaihtuahsak thin a ni.
VL Zaithanzama chuan, 'Zirna In, a bikin pawl hniam lam leh Health sub-centre te hi kal kan leh hlamchhiah an awl hle a, an pawimawh zia leh tihchangtlun an mamawh ziate, veng leh khaw mipuite tana an tangkai ziate hi kan hriat thar a pawimawh a ni' a ti a. "Ram hmasawnna tura a bul pawimawh, kan ngaih pawimawh hmasak ber tur an ni" a ti.
Aizawl West III bialtu MLA chuan a bial chhunga zirna in hrang hrang leh Health sub-centre te tlawhchhuakin an mamawhte a pe zel a, Inrinni vek khan Bungkawn Health sub-centre pawh tlawhin, mamawh hrang hrang an lo thlente tihhlawhtlinsak a tum thu a hrilh a ni.