Tripura police chuan kar hmasaa mi pakhat buma dawi lam thil (black magic)-a titu nia an hriat mi 10 an man.
Kar hmasa khan Unokoti district-ah Samrurpar-ah mi pakhat hi mi thenkhatin a duh lo chung manin black magic tih nan hian an hmang nia hriat a ni.
A mantute hi khaw pakhata mi 200 vel lai an ni a, anmahni vek hian an phum nghal bawk a. Amah hi Bullu Orang a ni.
Police-in an hriat dan chuan khaw mite chuan Orang-a’n a dawi avang hian an khuaa mi pahnih an damlo niin an sawi a, an dam theih nan a chungah an tilet ve niin an sawi bawk.
Police chuan Orang-a nupuiin FIR a thehluh angin an chhui ta a ni.
An mi mante hi judicial custody-ah an awm mek a. Orang-a mantute hi thingpui huana thawk an ni a, a inah kalin an pawt chhuak a, an sawisa hlum nghal mai nia hriat a ni.
Khaw mite hi hetianga thil an tih hnuah hian police-ah an inpe.