Social media in min luhchhuah hnuah hian kan nunphung leh khawsazia pawh hi nasa takin a inthlak a, kan hnam hawiher, a bik takin kan thalaite hawiher hi danglam tawh tak a ni.
A hmang thiam tan chuan ei hmuhna tham leh chhawr tangkaina tham tak a ni chung hian a hmang thiam lo hi a tam zawk kan la ni leh zel a, inthlak danglam burh dan awm lo mah se, kan inthlak hret hret erawh a ngai dawn hle in a lang. Inzirtir thar kan ngai nasa tawh hle.
Kan khawsak phunga tel lo tura kan ngaih leh kan rama thleng ve tur pawh a kan ngaih loh hi a thleng ve ta fo a. Mipa in hmeichhia kut a thlak lawp lawp a, hmeichhiain mipa kut a thlak leh hluai thin bawk. Mak deuh asin! Thil rapthlak tak tak hriat tur kan nei ve thei reng a, mak tak a ni.
Kan hnam nunphung leh khawsazia hi kan thlak hret hret lo a nih chuan kan thlahtute tawn leh chenpui tur thil hi a rapthlak chho hle ang tih a rin thiam theih mai a. Tun atanga insiamthat hi kan va mamawh tak em. Kohhran hian hma hruai se la, sorkar in theihtawpin pui bawm se. Chhungkua atangin bul tan that tum teh ang u. Social media hman thiam hi kan zir a va ngai nasa em.