National Institute of Virology-Indian Council of Medical Research chuan naupangte hnenah Covid-19 vaccine chu thla thar atangin a awm theih a beiseiawm tih an sawi.
ICMR-NIV Director Priya Abraham chuan naupang kum hnih leh 18 inkarte hnenah Covaxin damdawi enchhin thawh hnihna leh thumna chu kalpui mek a nih thu a sawi.
COVID-19 hripui leng mek laka science lama hmalakna chungchang sawiin Abraham-i chuan an enchhinna result hi a hriat thuai tawh dawn a, result chu damdawi hman tur leh tur loh chungchanga thuneitute hnenah thlen nghal a nih tur thu a sawi.
Abraham-i chuan Zydus Cadila-in an siam vaccine chu enchhin mek a nih bawk thu leh hei pawh hi naupangte tana hman theih a nih tur thu a sawi.
Covid vaccine chu lak ngai a pawimawh thu Abraham-i hian a sawi uar hle bawk.