Premier League club Nottingham Forest chu player bazar ah an la che lian chhunzawm a. An club chanchin a player manto ber ni turin Wolverhampton Wanderers atangin Morgan Gibbs-White an lalut.
Kum 22 mi midfielder hian City Ground-ah hian kum nga contract a ziak a, tun nipui a Forest in player an lakluh 16-na a ni.
Wolves academy chhuak player hian tun season a Premier League game hnih an khelh tawhah bul a la tan ve ve a. Bruno Lage-a pawlte chhuahsan chu harsa a tih thu a sawi.
“Thutlukna ka siam tawh zinga la harsa ber a ni a, mahse ka football zinkawngah hian hmalam pan a ke ka pen hun chiah a ni. Chhuah hi a hreawm a, mahse chona thar ka hmachhawn a hun.” tiin a sawi.
Forest hian Pound maktaduai 25 a manah an pe phawt anga, a khelhdan a zirin Pound maktaduai 17 thleng an pek belh thei ang.