An elpui Amazon Prime Video, Disney+ Hotstar leh a dangte invawrh chho mek karah Netflx pawhin ruahman dan chuan November atang khan ads telna mantlawm zawkin a kalpui dawn ta.
Tuna an sawiselna tam berah chuan pawh man tam deuh hlek hi a ni a, hei vang hian pawt thar turte pawh an tawm im pah fo reng a ni.
Netflix hi streaming platform lian ber ni mah se, tunhai khan rohsan leh kalsan an tam tak vangin insiamthar a, insiamthat thuai a ngai tih a hrechianig em em a. Pawh man titlawm tur hian Google nena thawhdunna te pawh siam chhovin, ads nena kalpui a nih chuan fakna atanga sum hmuh te nen man man leh tawm zawka kalpui theih a inbeisei.
Tunhma ang lo takin Netflix hian eltu leh ertu a nei hraw hlawm hle tawh a, thahpui thawh a, thil thar, mite duhzawng leh lawmzawng lamah chet a lak thuai thuai a ngai.
Official takin, Netflix monthly plan thar tur hi tlangzarh leh sawichian ala awm lova, tuna an kalpui mek nena khaikhin chuan a ziaawm chhoh erawh beisei a ni.
India rama Netflix monthly plan
Rs 149 Plan
Mobile plan-ah hian Netflix pawttute’n phone emaw tablet-ah 480p standard video quality an en thei ang. He plan-ah hian vawikhatah device pakhat chiah a theih thung.
Rs 199 Plan
Basic plan a ni a; phone, tablet, computer emaw TV kaltlangin 480p streaming a theih. Hei pawh hi vawikhatah device pakhat a ni ang.
Rs 499 Plan
Standard plan ve thung ah hian 480p streaming kaltlangin phone, tablet, computer emaw TV-ah a en theih. Mahse, device pakhat chiah a huam. 1080p streaming hi phone, tablet, computer emaw TV ah a theih a, vawikhatah device pahnih a huam.
Rs 649 Plan
Premium plan niin, 4K HDR streaming hmangin phone, tablet, computer emaw TV-ah a en theih. Vawikhatah device pali hman phal a ni a, en man to deuh angin lan mah se, chhungkaw rual deuh emaw high resolution ngat en duh tan mamawh chhanna a tling. En manhla tak a ni.