New Delhi khawpuia October thlaa Justin Bieber-a’n show neih a tum chu a hriselna that loh vangin thulh a ni.
Hemi chungchang hi BookMyShow thupuangtu chuan nimin khan a tichiang a, October 18, 2022 a Jawaharlal Nehru Stadium, New Delhi-a ‘Justine Bieber Justice World Tour’ chu a zaitupa ber dam lohna leh hriselna that tawk loh vangin cancel a ni a, a buaipuitute leh huaihawttute lam atang pawhin pawi an tiin, a beidawnthlak takzet niin, a sawi.
JB hian India tour mai bakah Chile, South Africa, UAE leh ram thenkhata inlan a tum zawng zawng chu chawpchilh takin a thulh fai vek a ni.
Kum 2017 khan JB hi ‘Purpose World Tour’ hmingin Mumbai-ah show a rawn nei tawh a, hetah hian Bollywood-a milar tak takte’n tawiawmin, concert hlawhtling tak a rawn nei tawh.