Lunglei district Congress committee (LDCC)-in NABARD loan hmanga Baptist Higher Secondary School (BHSS) Administrative building sak chungchanga an thuchhuah MNF sub-hqrs, Lungleiin an chhanglet chu an pu te sum chheprelh an puangzar nia an ngaih thu an sawi.
LDCC chuan “MNF sub-hqtrs, Lungleiin BHSS Administrative building sakna tur sum atanga engamahhmaa Rs nuai 15.67 consultation fee tih leh sorkara chhunluh leh tur an tih hi thil mak a ni” an ti a. Contractor-in GST leh labour cess bak sorkarah chhunluh tur an nei lo nia sawiin, “Rs nuai 15.67 an lak hi an pu te eiruk tur an rawn puang ta tihna a ni a, buichhia laihlohvin an inpuang tihna a ni” an ti.
“Mizoram pumah NABARD loan hma- nga school saknaah Rs nuai 15 vel zel an hauh a nih chuan engzatnge an eiruk tur tih hi zawhna a ni” LDCC chuan an ti a. “Electrification tihna tur zaa 7.5 an cut nghal ringawt pawh hi thil diklo, hnathawh hma hauha pawisa lo lak hi thil diklo a ni” an ti.
LDCC chuan “in sak hna BCM kuta an dah a nih rau rau chuan electrification pawh BCM kuta dah tur leh pawisa an hrensak pawh tun thla chhung ngeia BCM kuta dah turin kan ngenin kan hriattir nghal” an ti a. Education Minister chu bang ngei tura phutin, “Loan hmang leh nghala sikul sakna tur pawtpeng duhtu hi Minister ni tlakah kan ngai lo” an ti bawk.