Aizawl : Kumin April atanga June thlenga Kolasib district-a bank hrang hrangte credit deposit ratio (Bank in deposit a dawn atanga loan a pekchhuah zat) zaa 69.11 niin, kum hmasa aiin za-a 15.47-in a sang a ni.
Kolasib district-a bank hrang hrangte dinhmun thlirleta district level review committee nimina Kolasib Bawrhsap John LT Sanga hova thutkh- awmah he thu hi tarlan a ni a. Bawrhsap chuan sorkar ruahmanna hnuaia bank kaltlanga mipui tana hamthatna hrang hrang awmte zau zawka inhrilhhriat a pawimawh thu leh chung hamthatnate chu a taka mipuiin an chhawr ngei theihna tura hmalakpuiah committee member te chu a sawm.
Kolasib district-a mi 2000 aia tlem chenna khaw 29 ah te Business correspondent an awm theihna tura hmalakna kal zelah khaw 23-ah Business correspondent dah an ni tawh a. Mizoram Rural bank, Kawnpui branch hmalaknain Meidum-ah Business correspondent tur ruatfel a ni tawh bawk.