Aizawl : All India regional rural bank employees association (AIRRBEA)-in vawiina rampum huapa nawrh an huaihawt tur chu Mizoram rural bank (MRB)-a thawktute pawhin an zawm ve dawn.
AIRRBEA hian sorkara an thil phut hrang hrang te a hlawhtlin theihna tura sorkar karna atana nawrh hi huaihawt an ni a. Regional rural bank (RRB)-te chu sponsor bank nen inzawm tawh lova National Rural Bank of India (NRBI) din an phut a. A hun taka promotion, hnaruak hnawhkhah te chu an thil phut langsar zual te an ni a, heng bakah hian an hna kaihhnawih thil tam tak an phut bawk.
An thil phur hrang hrang te chu sorkar laipuia Ministry of Finance-in a tihhlawhtlinsak thuai phutin AIRRBEA chuan hma an la a, vawiinah pawh sorkar kan nan rampum huapa nawrh an huaihawt dawn a, hei hi MRB-a thawktute pawhin an zawm ve dawn a ni.