Aizawl : LAD minister K Lalrinliana’n thingtlanga hmasawnna tak tak awm tur chuan tualchhung sorkar – Village Council-te chher hriam a, hmasawn duhna thinlung neihtir a pawimawh tih a sawi.
He thu hi SIRD&PR buatsaih Orientation training of young fellow and officials of model GP clusters hawnna inkhawm nimina neihah LAD minister chuan a sawi a. Training-a tel te chu VC te chher hriam kawnga hma la tura chahin, “Hnamdang young fellow-te pawhin nasa takin tualchhung sorkar (VC) ten hma an sawn theih nan tan an la a, a ram neitu zawkte pawh hian tan nasa taka kan lak a ngai,” a ti.
VC dan chungchang sawiin, LAD minister chuan Mizorama village council ten hma an sawna, tualchhung rorelna tha a awm theih nan tuna dan hman mek The Lushai Hills District (Village Councils) Act, 1953 chu tun dinhmun nena inmil tawh lo tam tak a awm avangin The Mizoram (Village Councils) Bill, 2022 duan a nih thu a sawi a. Law & Judicial deptt-in an zirchian tura thehluh tawh a nih thu a sawi bawk.
Training-ah hian Cluster enkawltu Faculty te, Young fellow te, BDO office leh DLAO office atangtea tel mi 17 te chu SIRD&PR Faculty, LAD officer leh SPC ten zirtirna an pe dawn a ni.