Scotland in UEFA Nations League-ah an group hma an hruai a. Huntawp dawn lamah goal thum khungin 3-0 in Ukraine an hneh.
Hampden Park-ah Scotland in an mikhualte laka goal khung turin an nghah rei a ngai. Substitute Lyndon Dykes chuan goal hnih khungin captain John McGinn chuan goal dang a khung ve bawk.
Scotland hi June thla khan Ukraine nen hian World Cup playoffs-ah an intawng a. Hemi tum hian Ukraine lakah hian an tlawm.
Nilaini zanah erawh inkhelah chungnung zawkah tang tluanin goal khungna huntha an hloh hnem hle. Ryan Christie leh Stuart Armstrong tehn first half-ah chance tha an nei a. Second half-ah Che Adams chuan crossbar a pet per bakah Armstrong bawkin goal a khung teuh.
League B Group 1 a point 9 hmu tawh Scotland hian Inrinni hian Ireland an mikhual leh dawn a. Anni aia point hnih a hniam zawk ni mek Ukraine in Armenia an tlawh ve leh thung ang.