Italy captain hlui, defender ropui Fabio Cannavaro chuan a vawikhatna atan Europe-ah manager hna a thawk dawn a. Serie B club Benevento a enkawl dawn.
Cannavaro hi kum 2006 a Italy in World Cup an chawi tum a an captain leh player pawimawh a ni a. Kum 2011 khan football khelh chawlhsanin Asia lamah coaching hna a thawk chhunzawm.
China leh Saudi Arabia-ah te club a enkawl hnuah kum 2019 khan kar ruk chhung Chinese national team a enkawl hman.
Kum 2010 a Juventus a chhuahsan hnuah kum 49 Cannavaro hi Italian football-ah a kir lehna niin manager hna a thawh hnuhnun ber chu Guangzhou FC-ah niin kum 2021 October thla khan a chhuahsan.
Benevento hi tun season a Serie B a tla thla niin tunah league-ah 13-na an ni mek.