Thenzawl Zone Football Association in a buatsaih Club Season Opening & Branch YMA (Women) Football Tournament 2022 chu Nilaini khan khelh zawh a ni a, Dinthar FC an champion.
Thenzawl Zone FA hnuaia club 16 telna football inelna hi Lothazawl Football Ground-ah khelh a ni a. Final-ah hian Dinthar FC hian Thangzual Memorial FC hnehin champion trophy an chawi.
Final inkhelah hian Dinthar FC tan Hminghminga leh PC-a ten tauh lut ve ve in an khingpuite hi 2-0 in an hneh.
Champion team in trophy bakah Rs. 20,000 an dawng a. Pahnihna in Rs. 10,000 an dawng ve bawk.
Mipa football inelna bakah hian hmeichhe football inelna buatsaih a ni bawk a. Thenzawl Zone FA huamchhung a YMA Branch ten hmeichhe tournament an khel.
Final-ah Field Veng branch YMA ten 3-1 in Venghlun Branch YMA team an hneh a. Field Veng Branch tan Sawmtei’n hattrick a siam.
Hmeichhe team champion hian Rs. 7,000 leh trophy an dawng a. Pahnihna in Rs. 4,000 an dawng.
TZFA Tournament kharna hun hi PWD Hmuifang Division EE, Thenzawl Sports Committee Chairman hlui Er. Zirthanmawia Hmar chuan a hmanpui.
TZFA buatsaih Football Tournament ah hian Thenzawl khawchhung bakah Neihloh, Buangpui, Zote leh Kanghmun south khua aṭangin Football Club 14 leh Branch YMA hmeichhe team 10 an tel a, mipui in an hlutin, inkhel entu an thahnem thin hle.