Hun rei tak chhung chhiah (tax) pe tha duh lova tlanchhe meka puh Shakira chuan an puhna chhangletin, a pek tur ang ang a pe vek, a ti.
Spanish sorkarin tax pe tha duh lova bibo thin nia a tarlan chungchanga hun rei tak ngawih a chuh hnu ah Shakira chuan, “Ka pek tur ang ang ka pe vek a, vawinah hian ba engmah ka nei lo,” a ti.
Kum 2012 leh 2014 inkar khan zaithiam lar hian tax tam tak pe duh lovin, a relh bo thin nia puhna ring tak a lo chhuak tawh a. Tunah chuan thiam lohna pakhatmah a neih loh thu leh intihhmingchhiatna nia a ngaih thu a sawi ta a ni.
Elle chanchinbuin September 21 khan amah kawmna tarlangin, a sum lakluh chungchangah lang tlang taka engkim a kalpui thin bakah tax specialist thiam ber ber te rawna a pek thin thu a sawi niin, a tarlang.