Philippines khawchhak lam thliarkarte chu super typhoon-in nuai tan mekin an ram pum deuhthawah inralrinna dar khawn a ni.
Khawchin zirtute chuan Typhoon Noru hian darkar khata km 240-a chak thlipui a keng tel niin an sawi a, Polillo thliarkar chu thil puak na tak ang maia lutin khawthlang lam hawiin thliarkar pui ber, Luzon a pan tih an sawi.
Khawpui ber, Manila pawh telin lei min, tui lian leh tui fawn nasa tak a thlen thei dawn tih an sawi.
Hmun him lova awmte chu insaseng tura hriattir an ni.
Noru hi darkar khata km 90-a chaka kalin weather forecaster Robb Gile chuan a kal chak dan hi awihawm loh hial niin news agency AFP hnenah a sawi.
Philippine weather service chuan Luzon-ah wind signal five pein warning level sang ber a ni.
National police chief Gen Rodolfo Azurin chuan a theih ang anga insasengna zawng turin mipuite a ti.
Manila khawchhak, Quezon Province-ah chuan sangha mantute chu tuipuia kal rih lo tura tih an ni a, hmun thenkhatah power a awm lo tawh bawk nia sawi a ni.
Thlawhna leh lawng zin turte pawh thulhtir an ni.
Tlawmngaia inpeten lui tui chim chin, lei leh lei min theihna tlangte an vil niin Philippine Red Cross chairman Dick Gordon chuan a sawi.
Thliarkar awm khawm, Philippines hi Pacific Ocean-a thliarkar 7,000 chuangin a siam ram pakhat a ni a, storm thawh duhna lai hmun a ni.
December, 2021 khan Typhoon Rai-in nuaiin mi 400 vel an thi a, chhanchhuah hna thawktute chuan chhiatna thlen dan chu ‘rapthlak tak’ tiin an sawi a ni.