Mizoram a professional boxing inelna lian Tata Yodha 4×4 LPS Pro Fight 2022 semi-final zan hnihna zaninah khelh a ni dawn a. Inrinni zan khan zan hmasa zawkah inhnek panga a awm.
Professional boxing a inziahluhna lian Boxrec a record ziah luh tawh bout niin Inrinni zana R. Dengthuama Indoor Stadium a inhnek a hmuhnawm.
Flyweight-ah Lunglei, Ramthar boxer beiseiawm Laldinsanga chuan a khingpui Joseph Lalremruata round hnihnaah technical knockout in a hneh.
Knockout vawi thum awm zanah lightweight-ah Mizo professional boxer zinga hriat hlawh Vanlalawmpuia chuan Stephen Lalramsan Varte chu round hnihnaah a knockout a. Welterweight-ah round hmasa berah Zomuansanga’n Lalnunzira knockout turin minute hnih bak a mamawh lo.
Bantamweight-ah professional huang a boxer hmuhnawm F. Zoramchhana’n unanimous decision in David Laldanmawia a hneh a. Featherweight-ah Yuri Lalbiakdika Sanate chuan Lalmuanpuia a hneh ve bawk.
Zanin inhnek turte
Flyweight-ah kum 2019 a quarter-final thleng tawh C. Zosangmawia leh Mizo rawlthar beiseiawm zinga mi Saitual boxer Samuel Lalthlamuana te an inhnek dawn.
Super Bantamweight-ah boxing inelna lian a tel vawikhatna a che tha tak Lalpektluanga leh seeded boxing zing ami Lalrinngheta te an inhmachhawn dawn a. Rinngheta hi a inlan hnuhnun berah Fighter of the Night la thei a ni.
Super Featherweight-ah Mizoram aiawh a vawi hnih kal tawh H. Lalnunhlima leh boxer hmuh ber zing ami, tun tum a Fighter of the Night chawimawina dawng nawn thei awmchhun Lalrosangzuala te an inhnek dawn a. Fight hmuhnawm ber zing ami a nih ngei a beiseiawm hle.
Super Lightweight-ah Pro Fight debutant Lalruatzela leh kum 2015 champion, HC Lalramfela te an inhnek dawn. Ruatzela hian semi-final lut turin Babusen Ranglong leh seeded boxer Lalremsanga te a hneh.
Super welterweight-ah Lalmawizuala leh professional boxing a vawi thum inlan a la chak vek C. Lalhruaitluanga te an intum dawn a. Boxing inelna a tel vawikhatnaah Lalmawizuala’n a fiahna lian ber ni tura ngaih a hmachhawn dawn.
Zanin inhnek tur (September 26 8:00 PM Bout 5)
Flyweight
Bout 192 C Zosangmawia (Chaltlang) vs Samuel Lalthlamuana
(Saitual Venglai)
Bantamweight
Bout 193 Lalpektluanga (Darlawng) vs Lalrinngheta (Tuipui)
Featherweight
Bout 194 H Lalnunhlima (Tuipui) vs Lalrosangzuala (Chaltlang)
Lightweight
Bout 195 Lalruatzela Hauzel vs HC Lalramfela (Chawngtlai)
(Mission Veng)
Welterweight
Bout 196 Lalmawizuala (Chaltlang) vs C Lalhruaitluanga
(Chawngtlai)