Inrinsiakna tam tak karah Dwayne ‘The Rock’ Johnson chuan US President chu tumna a nei hnai lova, 2024 phei chu a phezeuh pawh a lang lo, tih a sawichiang.
Tun dinhmuna a ngaihpawimawh leh duh ber chu fate tana Pa tha tak ni a, an bula hun tam zawk leh tha zawk hman hi a ni, a ti bawk.
CBS Sunday Morning nena an inkawmnah, “US President chuh tumna hi a lang lo. Ni e, ka rilru-ah a lang lo hrim hrim. Hetia ka sawi nachhan chu B-side lam an pawimawh vang a ni. Kan ram hi ka hmangaih a, a chhunga chengte pawh ka hmangaih vek. Fate tana Pa nih pawh hi nuam ka ti a, ka tana pawimawh ber number one chu Pa nih hi a ni tawp mai. A bik takin, hun ang hun harsa leh khirh takah hian a ni lehzual. Ka fanute tan hian a pawimawh,” a ti.
Kum 2017 atang khan The Rock hian thil tihna tam takah US president nih a chak thu a lo sawi fo tawh a, Vanityr Fair magazine hmaah pawh nikum 2021 khan hemi atan hian mithiam leh a chin chang hre deuhte pawh a ruai hial niin a sawi a ni.
Amaherawhchu, politics lama a mikhual em vang leh tun maiah chuan mithar hlak a la nih bawk avangin US President chuh tumna chu a la lang rih lo a ni ber.